Қазақ футболының аңызы саналатын Нұркен Мазбаев "Тараздың" бас бапкері қызметінен ресми түрде босатылды.
"ЖаркOFF" телеграм арнасы хабарлағандай командаға бұл өзгеріс кешкі жаттығу кезінде жария етілген. Бұған дейін клуб басшылығында болған өзгерістерден кейін жаттықтырушы ауысуы мүмкін екені алдын ала мәлімделген.
"Тараз" клубының тізгінін уақытша түрде Нұрмат Мырзабаев қолға алды. Бұл оның клубтағы уақытша бапкер ретінде кезекті рет тағайындалуы.
Қазір "Тараз" Қазақстан чемпионатының Бірінші лигасында ойнап жүр. Команданың маусымдағы нәтижелері мен ішкі ахуалы бапкерлік құрамға өзгеріс енгізуге негіз болған болуы мүмкін.
