Қазақстан Премьер-Лигасының 11-турында Семейдің "Елімайы" өз алаңында "Астананы" қабылдады. Матч 2:0 есебімен қонақтардың жеңісімен аяқталды.
Семейде өткен матчта астаналықтар аздап басымдыққа ие болғанымен, "Елімай" бірнеше қауіпті сәттерге ие болды. Бірақ өз мүмкіндіктерін толық пайдалана алмаған алаң иелері қарсыласына жол берді.
Бірінші таймда айып алаңындағы түсініспеушілікті ұтымды пайдаланған Рамазан Каримов есеп ашты. Ал екінші таймның басында Усман Камара қақпашымен бетпе-бет шығып, есепті еселей түсті.
"Астана" — 27 ұпаймен КПЛ-2025 турнир кестесінде бірінші орынға шықты.
"Елімай" — 17 ұпаймен бесінші орынға жайғасты.
