Қазақстан Премьер-Лигасының 11-турында "Ақтөбе" өз алаңында Алматының "Қайратын" қабылдады. Кездесу жанкүйерлер үшін нағыз драмаға айналды.
Алғашқы таймда командалар бір-бірін барлап, шабуылдарды алма-кезек ұйымдастырғанымен есеп ашылмады. Ойынның екінші бөлігінде шиеленіс арта түсті.
Екінші таймның басында "Ақтөбенің" қорғаушысы Аян Байдәулетов қақпа алдына таяу жерден допты торға тоғытып, есеп ашты — 1:0. Алайда бұл басымдық ұзаққа созылмады.
Дастан Сәтпаев алыстан тамаша соққы жасап, есепті теңестірді. Бірақ VAR жүйесі араласып, гол офсайд үшін есепке алынбады. Осы эпизодта Валерий Громыко алаңнан қуылып, "Қайрат" ойыншы кемдігімен қалды.
Осыған қарамастан "Қайраттың" капитаны Александр Мартынович өз командасын алға жетелеп, таразы басын теңестірді. Ал шешуші голды қайтадан Дастан Сәтпаев салып, алматылық клубқа маңызды үш ұпай сыйлады — 2:1.
Осы жеңістің арқасында "Қайрат" 26 ұпаймен турнир кестесінің екінші сатысына көтерілді. Ал "Ақтөб" 25 ұпаймен үшінші орынға сырғыды.
