Өзбекстан ұлттық құрамасының қақпашысы Уткир Юсуповқа Ташкенттің дәл орталығынан үш бөлмелі пәтер сыйға тартылды.
Мұндай жомарт сыйлықты кәсіпкер футболшыға алғысын білдіру мақсатында табыстаған. Себеп — Өзбекстан құрамасының әлем чемпионатына жолдама алуы.
Сыйға берілген пәтер заманауи жөндеуден толық өткен. Ішінде барлық қажетті жиһаздар мен тұрмыстық техника орнатылған.
Кәсіпкердің айтуынша, Юсупов жаңа баспанасына өзіне ыңғайлы кез келген уақытта қоныстана алады.
Өзбекстан құрамасы әлем чемпионатына жолдаманы Біріккен Араб Әмірліктеріне қарсы ойында тең нәтижеге қол жеткізіп иеленді.
Ойын барысында Уткир Юсупов бірнеше қауіпті соққыны тойтарып, командасының тарихи жетістікке жетуінде шешуші рөл атқарды. Оның жанкешті ойыны жанкүйерлер мен сарапшылар тарапынан жоғары бағаланды.
