Франция құрамасы 2024/25 жылғы Ұлттар лигасының үшінші орын үшін матчында Германияны жеңіп, турнирді қола медальмен аяқтады.
Үшінші орын үшін шешуші кездесу Германияның Штутгарт қаласында өтті. Франция мен Германия құрамалары арасындағы текетірес 2:0 есебімен француздардың пайдасына аяқталды.
Алғашқы голды 45-минутта Килиан Мбаппе соқты. Ал екінші гол 84-минутта Майкл Олисенің еншісіне жазылды. Нәтижелі пасты Мбаппе жасады.
Осылайша, Франция құрамасы 2024/25 жылғы маусымды Ұлттар лигасының қола медалімен аяқтады. Бұл нәтиже маусым бойғы тұрақты ойынының нәтижесі десе болады.
Турнирдің финалы 8 маусымнан 9 маусымға қараған түні өтеді. Онда Португалия мен Испания құрамалары бас жүлде үшін бақ сынайды.
Айта кетейік, Испания — Ұлттар лигасының қазіргі чемпионы. Өткен маусымда олар финалда Хорватияны пенальти сериясында (0:0, 5:4) жеңген болатын.
