Ұлттық құрамадағы жолын аяқтаған капитанға естен кетпес естелік жасалды.
Қостанайдың "Тобыл" ФК ойыншылары мен бапкерлік құрамы ұлттық құрамадағы мансабын ресми түрде аяқтаған Асхат Тағыбергенге құрмет көрсетті. Ерекше шапан жауып, ыстық ықылас білдірді.
Клубтың баспасөз қызметі былай деп мәлімдеді:
"Ұлттық құрамадағы мансабын аяқтаған Асхат Тағыбергенге арналған құрмет шарасында оған 8-нөмірлі арнайы шапан тарту етілді. Асхат командаға алғысын айтып, енді бар назарын" Тобылдың" табысына арнайтынын жеткізді".
Айта кетейік, 9 маусым күні Қазақстан футбол құрамасының капитаны Асхат Тағыберген өз елінің жейдесін соңғы рет киіп, Солтүстік Македония құрамасына қарсы алаңға шыққан еді. Бұл кездесу – оның ұлттық құрамадағы ойыншы ретіндегі қоштасу сәті болды.
