Қазақстан ұлттық құрамасының жартылай қорғаушысы Бақтиер Зайнутдиновтың болашағына қатысты алып-қашпа ақпараттарға нақты жауап берілді.
Мәскеудің "Динамо" клубы мен Ыстанбұлдың "Бешікташ" командасы арасында футболшыға қатысты ешқандай келіссөз жүріп жатқан жоқ, деп жазады Sport-express.ru басылымы.
27 жастағы қазақстандық ойыншының жаңа командаға ауысуына қатысты ресми түрде расталған келісімшарт жоқ. Бұған дейін бірнеше БАҚ бетінде трансфер сомасы келісілді, енді жеке келісімшарт бойынша келіссөз жүріп жатыр деген ақпараттар тараған еді.
Бақтиер Зайнутдинов қазір "Бешікташта" үшінші маусымын өткізіп жатыр. Былтыр ол Санкт-Петербургтің "Зенит" клубының ұсынысынан бас тартқан. Бұған дейін талантты жартылай қорғаушы Ресей Премьер-Лигасында өнер көрсетіп, "Ростов" пен ЦСКА сапында ойнаған. РПЛ аясында жалпы 95 матчқа қатысып, тәжірибесін арттырды.
