Қазақстан Премьер-Лигасының 12-турында "Қайсар" мен "Тобыл" өзара ұпай ұпай бөлісті.
Қызылордадағы Ғани Мұратбаев атындағы стадионда өткен кездесу тартысты өтті. Ойынның алғашқы бөлігінде қостанайлық команда белсенді бастады. 18-минутта Черногория құрамасының қорғаушысы Марко Вукчевич алыстан дәл соққы жасай алды.
Бірақ алаң иелері жауапсыз қалмады. 38-минутта қазақстандық жартылай қорғаушы Дидар Жалмұқан айып алаңынан тыс жерден әдемі соққы жасап, есепті теңестірді.
Осы тең нәтижеден кейін "Қайсар" 12 ұпайға ие болып, 13 турдан кейін тоғызыншы орынға көтерілді. Бұл команда "Тұран" мен "Ұлытауды" артта қалдырды.
"Тобыл" үшін бұл тең ойын төрт матчтық жеңісті серияның соңын білдіреді. Команда 11 матчтан кейін 24 ұпаймен турнир кестесінің төртінші сатысында қалды.
Келесі турда қызылордалық "Қайсар" өз алаңында "Ұлытауды" қабылдайды. Ал "Тобыл" Қостанайда "Жетісумен" сынға түсееді.
"Қайсар" (Қызылорда) — "Тобыл" (Қостанай) 1:1 (1:1)
Голдар: Вукчевич 18’ (0:1), Жалмұқан 38’ (1:1)
