«Бешикташ» қазақстандық футболшыны Фран Гарсияға айырбастамақ ниетте.
Ыстамбұлдың «Бешикташ» клубы Мадридтің «Реалына» сол қапталдағы қорғаушы Фран Гарсияны алу жөнінде трансферлік ұсыныс дайындап жатыр. Келісімге қаржылай өтемақымен қатар, қазақстандық жартылай қорғаушы Бахтиер Зайнутдиновты да қосу жоспарланған.
Abilasports деректеріне сүйенсек, «Бешикташ» клубы «Реалдың» қорғаушысы Фран Гарсияға қызығушылық танытып отыр. Клуб басшылығы трансферді жеңілдету үшін Бақтиер Зайнутдиновты келісім құрамына енгізбек. Бұл мадридтіктер үшін тиімді айырбас ретінде қарастырылып отыр.
Фран Гарсияны мадридтік клуб 2023 жылдың жазында «Райо Вальеканодан» қайта сатып алған болатын. Алайда жас испан негізгі құрамда тұрақты орын ала алмады, сондықтан трансферге ашық ұсыныстар қарастырылып жатыр.
Бақтиер Зайнутдинов «Бешикташ» сапына 2023 жылдың тамыз айында қосылған. 27 жастағы әмбебап жартылай қорғаушы өткен маусымда барлық турнирлерде 12 матч өткізіп, 1 нәтижелі пас берді. Бірақ маусымның екінші жартысын жарақат салдарынан толық өткізіп алды.
