"Рома" 30 маусымға дейін УЕФА-ның қаржылық фэйр-плей талаптарына сай болу үшін Эльдор Шомуродов пен Леандро Паредес трансферлері арқылы 11 миллион еуро табыс табуға тырысуда.
Римдіктер УЕФА-ның қаржылық фэйр-плей ережелеріне сәйкес болу үшін 30 маусымға дейін кемінде 10 миллион еуро көлемінде пайда табуы керек. Бұл мақсатта клуб Эльдор Шомуродов пен Леандро Паредес трансферлері арқылы қаржылық межеге жақындап отыр.
Өзбек шабуылшысы Түркияның "Истанбул Башакшехир" клубына 8 миллион еуроға сатылмақ. Бұл келісім клубтың қаржылық міндеттерін орындауға айтарлықтай көмек көрсетеді.
Ал Паредес "Бока Хуниорсқа" қайта жіберу "Рома" 3,5 миллион еуро көлемінде пайда көреді. Бұл екі трансфер бірге 11,5 миллион еуро табыс әкеледі.
"Рома" 2022 жылы УЕФА-мен арнайы Settlement agreement келісіміне қол қойған. Осы келісім бойынша клуб жыл сайынғы жинақталған қарызы 60 миллион еуродан аспауын қамтамасыз етуі тиіс. Егер бұл шек асқан жағдайда УЕФА айыппұл салып, келесі маусымдағы еурокубоктарға қатысудан шеттетуі мүмкін.
Былтыр клуб 2 миллион еуро айыппұл төледі. Бірақ бұл жолы қаржылық көрсеткіштер оң нәтиже беріп отыр.
Жаңа бас бапкер Джан Пьеро Гасперини команда құрамын 22-26 жас аралығындағы жас әрі тәжірибелі футболшылармен толықтырғысы келеді. Бұл стратегия ұзақмерзімді жетістіктерге бағытталған және клубтың жаңа экономикалық-футболдық философиясына сай келеді.
