Футболдан ҚПЛ-дің 13-турында "Қайрат" Петропавлдың "Қызылжарын" қабылдады.
Ойынның 31-минутында “Қызылжар” ойыншысы Тоқтар Жаңғылышбай әуедегі допқа талас кезінде Александр Мартыновичтің басына ауыр соққы жасап қойды. Осы сәт үшін төреші қызыл қағаз көрсетіп, солтүстікқазақстандықтар бір ойыншыдан айырылды.
Осыдан кейін ойын толық “Қайраттың” бақылауында өтті. Бірақ бірінші таймда есеп ашылған жоқ.
Екінші таймда алматылықтар допты бақылауда ұстап, қарсыласты тығырыққа тіреді. Жанкүйерлер күткен гол 72-минутта келді. Валерий Громыко орта қашықтықтан керемет соққы жасап, қақпаны дәл көздеді. Бұл гол матчтағы жалғыз әрі шешуші соққы болды.
Осы жеңістен кейін “Қайрат” 30 ұпаймен “Астанамен” теңесті. Ал “Қызылжар” 14 ұпаймен ҚПЛ кестесінің 8-сатысында қалып отыр.
“Қайрат” (Алматы) — “Қызылжар” (Петропавл) 1:0 (0:0)
Гол: Громыко 72’
Қызыл қағаз: Жаңғылышбай 31’
