"Алтын допқа" басты үміткер ауысты!

TNT Sports порталы 2025 жылғы «Алтын допқа» үміткерлердің жаңартылған рейтингін жариялады. Бұл жолы тізімнің көшбасында жаңа есім пайда болды — ПСЖ мен Португалия құрамасының жартылай қорғаушысы Витинья алғашқы орынға көтерілді.

Витиньяның жетістігі

Витинья 2024/25 маусымында керемет нәтиже көрсетті. Ол:

• Париж Сен-Жерменмен (ПСЖ) бірге төрт бірдей титул жеңіп алды;
• Португалия құрамасы сапында Ұлттар лигасының жеңімпазы атанды.

Мұндай жан-жақты табыс оны «Алтын доп» үшін басты фавориттердің қатарына шығарды.

Үздік үштік

Жаңартылған рейтингке сәйкес:

• 2-орында — Витиньяның клубтағы әріптесі Усман Дембеле;
• 3-орында — «Барселонаның» жас жұлдызы Ламин Ямаль.

Айта кетейік, 2024 жылғы "Алтын доп" иегері — «Манчестер Сити» жартылай қорғаушысы Родри болған еді.

Луис Энрике: «Менің фаворитім анық»

ПСЖ бапкері Луис Энрике де өз пікірін білдіріп, Витиньяны жеке фавориті ретінде атады:

«Менің күмәнім жоқ. Ол – нағыз көшбасшы», — деді ПСЖ бас бапкері Луис Энрике.