"Ұлытау" ФК ресми түрде Асқат Ермекұлы, Дінмұхаммед Қашкен және Доминик Боловинцевпен қоштасқанын мәлімдеді.
30 жастағы жартылай қорғаушы Асқат Ермекұлы мансабын Бірінші лигадағы “Жетісай” клубында жалғастырады. Ал Қашкен мен Боловинцевтің алдағы уақытта қай командаға ауысатыны жөнінде нақты ақпарат берілген жоқ.
Дінмұхаммед Қашкен мен Доминик Боловинцев жезқазғандық ұжымға жылдың басында қосылған. Боловинцев – Бішкек қаласының тумасы және 2024 жылғы маусымда команданың Бірінші лигадағы табысты өнеріне тікелей үлес қосқан ойыншылардың бірі.
Қазір “Ұлытау” ҚПЛ-дің 13 турынан кейін 12 ұпай жинап, 11-орында орналасқан.
