Қазақстан құрамасының жартылай қорғаушысы, қазір Данияның "Силькеборг" клубында доп тебетін Рамазан Оразовтың жұбайы Расима Еуропадағы тұрмыс пен жалақы жайлы айтты.
Ол "BorodAbata" YouTube-арнасына берген сұхбатында Даниядағы табыстың Қазақстандағы ұсыныстардан төмен болғанымен өмір сүру сапасы мен орташа еңбекақының әлдеқайда жоғары екенін айтты.
"Әрине, Данияда Рамазанның жалақысы Қазақстандағы кей клубтар ұсынатын сомадан төмен. Бірақ бұл – Еуропа. Мұнда орташа жалақы әлдеқайда жоғары. Сондықтан өзімізді ештеңеден шектеп жүргеніміз жоқ", — деді Расима.
Жалпы Дания әл-ауқат индексі бойынша Еуропада алдыңғы қатарда. Бұл футболшы отбасылары үшін қосымша комфорт береді.
Рамазан Оразов 2024 жылы жазда "Ақтөбеден" "Силькеборгке" ауысқан. Дания Суперлигасында 24 матч өткізіп, 3 гол соқты.
