Қазақстан құрамасының қақпашысы Стас Покатилов кәсіби мансабын Әзербайжан чемпионатында жалғастырады.
Баку қаласының намысын қорғайтын "Сабах" ФК Қазақстан ұлттық құрамасының қақпашысы Стас Покатиловпен келісімшартты ұзартқанын ресми түрде мәлімдеді. Келісім мерзімі маусым соңында аяқталған. Алайда тараптар оны 2026 жылдың жазына дейін ұзартуға келісті.
Клубтың баспасөз қызметі бұл жаңалықты ресми парақшаларында жариялады, ал отандық ақпарат құралдары бұл жаңалықты растап отыр.
Покатилов "Сабах" сапына 2025 жылдың қаңтар айында қосылған. Қақпашы жаңа командасының құрамында 19 ресми матчқа қатысып, сенімді ойын көрсетті. Оның қатысуымен команда Әзербайжан кубогын жеңіп, чемпионатты бесінші орынмен аяқтады.
Футболшылардың бағасын бағалайтын танымал Transfermarkt порталының мәліметінше, Стас Покатиловтың қазіргі бағасы 600 мың еуроға тең.
