Өзбекстан бірлескен әлем чемпионатын өткізуді жоспарлап отыр.
Әзербайжан астанасы Бакуде өткен ресми сапар аясында Өзбекстан Президенті Шавкат Мирзиёев пен Әзербайжан Президенті Ильхам Алиев бұқаралық ақпарат құралдарына бірлескен мәлімдеме жасады. Онда екі ел басшысы ФИФА-ға бірлесіп әлем чемпионатын өткізуге өтінім жолдау туралы шешім қабылдағанын жария етті.
"Ильхам Гейдарұлымен спорт туралы көп сөйлестік. Әзербайжан құрамасын шағын футболдан әлем чемпионатындағы жеңісімен құттықтаймын. Біз бұл жеңістерге шын қуаныштымыз. Енді ФИФА-ға бірге футболдан әлем чемпионатын өткізу жөнінде өтініш жасаймыз. Бұл біздің ортақ жетістігіміз болар еді", — деді Мирзиёев.
Бұл мәлімдеме Орталық Азия спорт сүйер қауымының назарын бірден аударды. Бұған дейін Қазақстан мен Өзбекстан арасындағы ынтымақтастық шеңберінде бірлескен спорттық жобалар туралы жиі айтылған. Алайда қазіргі сәтте Өзбекстан Әзербайжанмен серіктес болуға бел буып отыр.
Футбол сарапшылары бұл бастаманы "тарихи қадам" деп бағалауда. Дегенмен ФИФА тарапынан нақты шешім қабылданған жоқ.
