Дастан Сәтпаев Ламин Ямальды басып озды

16 жастағы қазақстандық футболшы Еуропа футболының басты додасында тарихи жетістікке жетті.  8 шілде күні УЕФА Чемпиондар лигасының іріктеу кезеңі аясында словениялық «Олимпия» мен алматылық «Қайрат» командалары кездесіп, ойын 1:1 есебімен тең аяқталды. Кездесу барысында қазақстандық жас шабуылшы Дастан Сәтпаев қарсылас қақпасын дәл көздеп, ел футболының тарихына енді.

Жас рекордшы – Дастан Сәтпаев

Бұл гол Сатпаев үшін ғана емес, қазақстандық футбол үшін де үлкен маңызға ие. Ол небәрі 16 жас 10 ай 26 күнінде гол соғып, Чемпиондар лигасы тарихындағы ең жас гол авторларының үздік үштігіне енді.

Ол тек швед Никлас Беркрот (16 жас, 6 ай, 4 күн) пен поляк Влодзимеж Любаньскиден (16 жас, 8 ай, 16 күн) кейінгі орында тұр. Бұл — Сатпаевтың болашағынан үлкен үміт күттіреді деген сөз.

Ең жас гол соққандар тізімі:

1. Никлас Беркрот (Швеция) – 16 ж. 6 ай 4 күн
2. Влодзимеж Любаньски (Польша) – 16 ж. 8 ай 16 күн
3. Дастан Сәтпаев (Қазақстан) – 16 ж. 10 ай 26 күн
4. Нии Лэмпти (Гана) – 16 ж. 11 ай 12 күн
5. Тони Варьюнд (Эстония) – 17 ж. 25 күн
6. Ансу Фати (Испания) – 17 ж. 1 ай 9 күн
7. Янош Радич (Венгрия) – 17 ж. 1 ай 20 күн
8. Ламин Ямаль (Испания) – 17 ж. 2 ай 6 күн
9. Барталь Фардум (Фарер аралдары) – 17 ж. 2 ай 19 күн
10. Ромелу Лукаку (Бельгия) – 17 ж. 2 ай 21 күн

УЕФА ресми статистикасында тек негізгі кезеңдегі (яғни, бұрынғы топтық кезеңнен бастап) голдар есепке алынады. Бұл тізімге сәйкес, ресми түрде ең жас гол авторы – Ансу Фати (17 жас 40 күн, «Барселона» – «Интер», 2019).

Қорытынды

Дастан Сатпаевтың Чемпиондар лигасында гол соғуы — оның үлкен футболдағы болашағына жол ашатын тарихи сәт. Ал бұл гол Қазақстан футболының да халықаралық аренада беделін арттыра түсетіні сөзсіз.