Анхель Ди Мария Месси мен Роналду арасындағы басты айырмашылықты ашық айтып, кімнің ерекше екенін нақты мысалдармен түсіндіріп берді.
Футболдан әлем чемпионы, тәжірибелі жартылай қорғаушы Анхель Ди Мария Лионель Месси мен Криштиану Роналдуды салыстырып, олардың басты айырмашылықтарын атап өтті.
Анхель Ди Мария Лионель Мессимен Аргентина құрамасында және ПСЖ сапында, ал Криштиану Роналдумен Мадридтің «Реал» клубында бір алаңда өнер көрсеткен. Сондықтан оның пікірі қос жұлдыз туралы ішкі көзқарасқа негізделген.
«Криштиану — бір буынның айрықша ойыншысы. Ал Месси — табиғатынан ерекше, сиқырлы. Бірінде (Мессиде) сегіз «Алтын доп» бар, ал екіншісінде (Роналдуда) — бесеу. Бұл — үлкен айырмашылық. Сонымен қатар, әлем чемпионы болу да — елеулі фактор. Біз оны әр ойында, әр минутта көреміз: біреуі ерекшелену үшін бар күшін салады, ал екіншісі жай ғана ойынынан ләззат алады», — деді Ди Мария.
