Қос құрама арасындағы матч 12 және 14 қазанда өтеді.
Қазақстан мен Өзбекстанның жастар құрамалары арасында екі жолдастық кездесу өтетін болды. Бұл жөнінде Offside.kz хабарлады. Қазақстан футбол федерациясы мен Өзбекстан футбол қауымдастығы екі ел арасындағы кездесулерді 12 және 14 қазанда Ташкент қаласында өткізуді келісіп қойған.
Бұл матчтар – алдағы ресми турнирлерге дайындықтың маңызды бөлігі. Қазақстандық жасөспірімдер құрамасы осыдан бұрын Еуро-2027 іріктеу кезеңінде Андорраға қарсы ойын өткізеді. Ал Өзбекстан да өз құрамасын маңызды матчтарға дайындап жатыр.
Ойындар жас футболшыларға тәжірибе жинауға, ал бапкерлерге тактикалық жүйелерді сынап көруге және құрамдағы мүмкіндіктерді бағалауға мүмкіндік береді.
Өзбекстан жастар құрамасының бас бапкері Тимур Кападзе бұған дейін өз командасының жоспарларымен бөлісіп, Аргентина және Уругвай құрамаларымен келіссөздер жүріп жатқанын айтқан еді. Сонымен қатар ол Қазақстанмен болатын матчқа қатысты ақпаратты да растаған болатын.
