Әліп петерборлық клуб тарихында алғашқы қазақстандық капитан атанды.
Санкт-Петербургтегі "Газпром Аренадағы" Ресей кубогының топтық кезеңіндегі алғашқы турда "Зенит" Шешенстанның "Ахмат" командасын 2:1 есебімен жеңіп шықты. Бұл ойында Нұралы Әліп команды алаңға жетелеп шықты.
Петерборлық клубтың ресми Instagram парақшасында бұл тарихи оқиға:
"Зенит“ тарихындағы алғашқы қазақстандық капитан" – деген жазумен жарияланды.
Матчта Нұралыдан бөлек қарсылас команда да Қазақстан құрамасының шабуылшысы Максим Самородов негізгі құрамда өнер көрсетті. Бұл қазақстандық футболшылардың Ресей Премьер-Лигасындағы маңызын айқын көрсетті.
Нұралы Әліп 2022 жылы "Қайраттан" "Зенитке" ауысты. Осы уақыт аралығында Ресей Премьер-Лигасының үш дүркін чемпионы, Ресей Кубогының иегері және үш мәрте Суперкубок жеңімпазы атанды.
