Әйгілі аргентиналық шабуылшы Лионель Месси жақын арада "Интер Майамимен" келісімін ұзартып, АҚШ-тағы мансабын жалғастырады.
Marca басылымының хабарлауынша, жаңа келісімшарт 2028 жылға дейін есептелген. Алайда 38 жастағы футболшы өзінің кәсіби мансабын қалаған уақытта аяқтай алады.
Бұл келісім Мессидің мансабындағы соңғы кезең болуы мүмкін. Бірақ ол футболдан кейін де “Интер Майамимен” байланысын үзбейді.
MLS өкілдері Лионель Месси мансабын аяқтағаннан кейін оған клубтың басқару құрылымында жұмыс ұсынуға дайын. Бұл шешім футболшының тәжірибесін әрі беделін тиімді пайдалануға бағытталған.
Месси 2025 жылғы маусымда “Интер Майами” сапында барлық турнирлерде 23 ойынға қатысып, 19 гол соғып, 2 нәтижелі пас берген.
