"Порту" осы жазда күтпеген трансфер жасап, 34 жастағы голландиялық шабуылшы Люк де Йонгті құрамына қосты.
“Порту” бұл трансферді жанкүйерлер үшін үлкен тосынсыйға айналдырды. Тіпті әйгілі трансфер инсайдері Фабрицио Романо соңына дейін үндемей отырды. Кейінірек белгілі болғандай, Романо бұл келісім туралы білгенімен клубтың жеке өтінішімен ақпаратты жарияламауды жөн көрген.
Люк де Йонг жанкүйерлерге “Эштадиу ду Драгау” стадионында мадридтік “Атлетикоға” қарсы жолдастық матч алдында таныстырылды.
O Jogo-ның мәліметінше, клуб бұл трансферді жасырын сақтау үшін ерекше амал қолданған: Люк де Йонг медициналық тексеруден клубтың гандбол командасының болашақ ойыншысы ретінде өткен. Бұл тәсіл барлық ықтимал ақпараттық ағындарды жауып тастады. Трансфер туралы тек клуб басшылығының шектеулі өкілдері хабардар болған. Тіпті “Порту” футболшылары да Люктың ауысуын ол киіну бөлмесіне кіргенде ғана білген.
Де Йонг “ПСВ”-мен келісімін ұзартпады. Ол өз елінде емес, Еуропаның жаңа аренасында ойнауды қалады. “Севильядан” да ұсыныс болған, бірақ шабуылшы сыпайы түрде бас тартты. Ол негізгі құрам үшін күресетін жас емес екенін түсініп, жас ойыншыларға көмектесетін рөлді қалады.
“Порту” — бұл таңдауға мінсіз келді. Командада негізгі шабуылшы Саму Агехоа ойнап жүр. Люк оны ығыстырғысы келмейді. Керісінше тәжірибесін бөлісіп, команданың тереңдігін арттырмақ.
