Ресей Премьер-Лигасындағы Грозныйдың "Ахмат" клубы ресми түрде бас бапкер Александр Сторожукпен келісімшартты тоқтатқанын мәлімдеді.
“Грозныйлық клуб пен бапкерлік штаб екі жақты келісім негізінде еңбек келісімшартын тоқтатуға шешім қабылдады. Бірге атқарған жұмыс үшін алғыс айтамыз және сәттілік тілейміз”, — делінген клубтың ресми хабарламасында.
Сторожукпен бірге оның барлық көмекшілері де команданы тастап кетеді.
Александр Сторожук биылғы маусымда “Ахмат” тізгінін небәрі төрт матчта ұстаған:
Алайда барлық ойындарда жеңіліске ұшырап, команда жалпы есепте 2:7 нәтижесімен сәтсіз старт алған.
Айта кетейік, Қазақстан құрамасының шабуылшысы Максим Самородов дәл осы “Ахмат” клубының намысын қорғап жүр.
Клуб келесі турдағы матчқа (РПЛ-дің 4-туры) жаңа бас бапкер дайындайтынын хабарлады. Жаңа маманның есімі жақын күндері ресми түрде жарияланады.
