"Әл-Наср" шабуылшысы Криштиану Роналду 54 жасында өмірден озған "Порту" клубының бұрынғы капитаны Жорже Коштаның қазасына байланысты көңіл айтты.
Криштиану Роналду өзінің ресми парақшасында қысқа, бірақ жүрекке тиерлік сөздер жазды:
“Кездескенше. Мәңгілікке, Жорже Кошта”
Бұл сөздер — Португалия футболындағы із қалдырған тұлғаға деген құрметтің көрінісі.
Жорже Кошта — "Порту" клубының түлегі. Ол 1990 жылдан 2005 жылға дейін "айдаһарлар" құрамында өнер көрсетіп, ұзақ уақыт бойы капитан болған.
Футболдағы мансабын аяқтағаннан кейін жаттықтырушылық жолын таңдаған. 2011/2012 жылғы маусымда Румынияның "ЧФР Клуж" клубын чемпион атандырған.
