"Милан" швейцариялық жартылай қорғаушы Ардон Яшаримен келісімшартқа қол қойғанын ресми түрде жариялады.
21 жастағы футболшы 2030 жылға дейін "россонери" ойыншысы атанды. Ол №30 жейдені киеді — бұл нөмір оған бұрынғы клубы "Брюггеде" де тиесілі болған.
Ардон Яшаридің "Миланға" ауысуы оңай болмады. Футболшы өз таңдауы ретінде тек "россонериді" көріп, басқа ұсыныстарды қабылдаудан бас тартқан. Осы шешімінің арқасында соңғы екі ай бойы "Брюггеде" жаттығудан шеттетілген күйде болды.
Corriere dello Sport мәліметінше, Яшари "Брюгге" клубының басшылығымен келісімге келу үшін табандылық танытып, "Миланмен, келісімшартқа отыру мүмкіндігін соңына дейін күткен.
Жартылай қорғаушы ертең" Миланда" алғашқы жаттығуын өткізеді. Демалыс күндері өтетін екі жолдастық кездесуге қатысуы мүмкін:
Бұл кездесулер «Миланның» жаңа маусым алдындағы соңғы дайындық ойындары болады. Команда 17 тамыз күні Италия кубогы аясында "Бари" клубына қарсы маусымды ресми түрде бастайды.
