Мадридтік "Реал" аргентиналық талантты вингер Франко Мастантуонымен ресми келісімшартқа қол қойды.
Дәл өзінің 18 жасқа толған күні, 14 тамызда жас футболшы 2031 жылдың маусымына дейін жарамды келісімге қол қойды.
Испанияға аттанар алдында Мастантуоно "Ривер Плейт" сапында өнер көрсетті. Бұл клубта 64 матч өткізіп, 10 гол соқты.
Transfermarkt мәліметінше, оның трансфер құны 45 миллион еуро.
Мастантуононың техникасы, жылдамдығы және шабуылдағы креативті ойыны Лионель Мессиді еске салады. Сондықтан жанкүйерлер мен БАҚ оны жиі "жаңа Месси" деп атайды.
