Алматылық «Қайраттың» жас шабуылшысы Дастан Сатпаев «Челсиге» сынаққа барған сапары жайлы мәлімдеді.
Алматылық «Қайраттың» жас шабуылшысы Дастан Сәтпаев танымал комментатор Нобель Арустамянға берген сұхбатында қызықты мәлімдеме жасады. Ол «Челси» клубына қаралымға барған кезде 2 ойында 3 гол соғып, бір нәтижелі пас бергенін айтты.
Ағылшын сапарында Сәтпаев «Челсидің» бірқатар жұлдыздарымен — Палмер, Терри және Нкункумен естелік суретке түсіп үлгерген. Бұл жас ойыншы үшін үлкен тәжірибе болғанын өзі де атап өтті.
Ал бүгін Дастан Сәтпаев негізгі құрамда алматылық «Қайратқа» қажет болады. 20 тамыздан 21 тамызға қараған түні команда УЕФА Чемпиондар лигасының плей-офф кезеңінде шотландиялық «Селтикпен» кездеседі.
Ойын Қазақстан уақыты бойынша сағат 00:00-де басталады. Тікелей трансляцияны «Qazsport» телеарнасынан көруге болады.
