Қазақстан Премьер-Лигасының кейінге қалдырылған сегізінші турының матчтында алматылық «Қайрат» өз алаңында астаналық «Жеңіспен» кездеседі, деп хабарлайды Penalty.kz
Кездесу бүгін Алматының Орталық стадионында өтеді, басталу уақыты 18:00-де. Тікелей трансляция «Qazsport» телеарнасынан және КФФ Youtube-арнасында өтеді.
Қазіргі чемпион турнир кестесінде екінші орында тұр, көшбасшы «Астанадан» бір ұпайға қалып келеді. Егер Рафаэль Уразбахтиннің командасы «Жеңісті» жеңсе, бірінші орынға көтеріледі. Ал астаналық клуб 31 ұпаймен әзірге жетінші орында.
Айта кетейік, бұл ойын Орталық стадионда Дженнифер Лопестің концертіне байланысты кейінге қалдырылған еді.
