Алматылық «Қайраттың» бас бапкері Рафаэль Оразбахтин Темірлан Анарбековтің жарақатына байланысты қақпашы мәселесіне қатысты пікір білдірді.
Маманның айтуынша, қақпашы жақында ауруханадан шыққан:
«Темірланның жағдайы қалыпқа келіп жатыр. Дәрігерлер қойған фиксация алдағы күндері алынады. Содан кейін ол біртіндеп жаттығуға кірісе алады. Реабилитациясы ойдағыдай өтуде», – деді Оразбахтин.
Бас бапкердің сөзінше, команданың сенімді нұсқалары бар:
«Бізде тағы қақпашылар бар. Жақын арада Заруцкий де қатарға қосылады. Ал әзірге негізгі сенім – Қалмырзада. Бір-екі аптадан соң барлық қақпашыларымызға толық сенім арта аламыз», – деді Оразбахтин.
