Мадридтік «Реалдың» жартылай қорғаушысы Винисиус Жуниор Ла-Коруньялық кәсіпкермен сот дауын жеңіп шықты.
Даудың мәні — футболшының есімімен байланысты брендті тіркеу. Кәсіпкер 2018 жылдың қарашасында «Vinicius» атауын өзіне рәсімдеген. Алайда деректерге сүйенсек, Винисиустың өзі Vinicius Jr сауда маркасын бұдан бір жыл бұрын-ақ тіркеп қойған.
Жауапкердің айтуынша, 2018 жылы Винисиус әлі танымал болмағандықтан тұтынушылар брендті футболшымен байланыстырмайды. Бірақ Ла-Корунья соты және провинциялық сот бұл уәждерді жоққа шығарып, футболшының талабын толық қанағаттандырды.
Сонымен қатар кәсіпкердің есімнің шығу төркінін Рим империясының тарихымен және өз әулетімен байланыстыруы да 2023 жылы қабылданбаған еді.
Нәтижесінде сот бизнесменді сауда белгісін жоюға және Винисиустың сот шығындарын өтеуге міндеттеді.
Бұл жаңалық УЕФА Чемпиондар лигасы ойыны қарсаңында белгілі болды. 30 қыркүйекте Алматыда «Қайрат» пен «Реал» кездеседі.
Еске сала кетсек, қазақстандық клуб негізгі кезеңдегі алғашқы матчында «Спортингтен» 1:4 есебімен жеңілген еді.
