Қазақстан құрамасы: Андорра мен Өзбекстанға қарсы кімдер ойнайды?
Денис Мамонов шәкірттері Еуро-2027 іріктеуінде Андорраға қарсы шешуші матч пен Өзбекстанмен екі жолдастық кездесуге дайындықты бастайды.
Қазақстан жасөспірімдер құрамасы Еуро-2027 іріктеуіндегі келесі матчқа дайындықты бастады. Денис Мамонов шәкірттері Андорраға қарсы ресми кездесу мен Өзбекстанға қарсы екі жолдастық ойынды өткізеді.
Қазақстан U-21 құрамасының оқу-жаттығу жиыны 3 қазанда Алматыда басталады. Бас бапкер Денис Мамонов құрамаға 24 ойыншыны шақырды.
Құрамадағы футболшылар
Қақпашылар:
- Мирас Рихард («Ertis»),
- Дулат Талыспаев («Кеге», Дания),
- Абылхайыр Алиакбар («Алтай»).
Қорғаушылар:
- Сұлтан Аскаров, Рамазан Каримов (екеуі де – «Жетісу»),
- Әли Тұрғанов («Академия Оңтүстік»),
- Александр Мрынский («Қайрат»),
- Әлихан Серікбай («Каспий»),
- Темірлан Мұрзагалиев, Никита Губарев (екеуі де – «Қайсар»),
- Бақтияр Төлеуов («Ertis»).
Жартылай қорғаушылар:
- Давид Есімбеков («Жетісу»),
- Олжас Байбек («Қайрат»),
- Абинұр Нұрымбет, Тамерлан Ағиманов (екеуі де – «Ertis»),
- Вячеслав Раскатов («Каспий»),
- Нұралы Жақсылық («Астана»),
- Аян Байдәулетов («Ақтөбе»),
- Жансұлтан Мұхамметханов («Жетісу»).
Шабуылшылар:
- Глеб Валгушев («Қызылжар»),
- Сэйф Попов («Алтай»),
- Ян Труфанов («Атырау»),
- Мағжан Тоқтыбай («Академия Оңтүстік»),
- Рамазан Бағдат («Қайрат»).
Ал резервтегі ойыншылар тізімі мынадай: Санжар Ерниязов («Хан-Тәңірі»), Эльхан Саидов («Шахтер»), Саламат Жұмабеков («Оқжетпес»), Мохаммед Енсебаев («Ertis»), Біржан Тоқтыбай («Академия Оңтүстік»), Артем Литош («Шахтер»).
Айта кетейік, Қазақстан жастар құрамасы Еуро-2027 іріктеуін Андорраға қарсы жеңіспен (1:0) бастаған еді, бірақ екінші турда Англиядан (0:2) ұтылды.
Енді 9 қазанда Қазақстан U-21 құрамасы Андорра-ла-Веллада алаң иелеріне қарсы үшінші матчына шығады. Ойын Астана уақыты бойынша сағат 22:30-да басталады.
Одан кейін Мамоновтың шәкірттері Ташкентке жол тартып, 12 және 14 қазанда Өзбекстан жастар құрамасымен екі жолдастық кездесу өткізеді.