Футболдан Қазақстан Премьер-Лигасының 24-турында «Ақтөбе» петропавлдық «Қызылжарды» қабылдады.
Кездесудің алғашқы минуттарынан-ақ алаң иелері белсенділік танытты. 8-минутта уругвайлық шабуылшы Даниэль Соса қақпашымен бетпе-бет шығып, есеп ашты.
Бұдан кейін қос команда қарымта шабуылдар жасады. Алайда таблодағы есеп өзгеріссіз қалды. Екінші таймда тартыс қыза түсті. 67-минутта қонақтардың капитаны Александр Нойок Жайро Жанға қарсы қауіпті ойнап, тікелей қызыл қағаз алды. «Қызылжар» бір ойыншымен аз қалған соң, алаң иелері жеңісті уыстан шығармады..
Бұл жеңістен кейін «Ақтөбе» 42 ұпай жинап, турнир кестесінде 4-орынды сақтап қалды. Ал «Қызылжар» 24 ұпаймен 9-сатыда тұр.
