Кеше көптеген көрермен «Қайрат» - «Реал Мадрид» матчын сайттан көре алмай, шағымдарын білдірген еді.
Осы орайда мемлекеттік арна арнайы жазба жариялады.
«Құрметті көрермен!
«Қайрат» - «Реал Мадрид» матчының трансляциясы барысында техникалық ақаулар туындап, көрерменге ойынның онлайн көрсетілімін толық көрсету мүмкіндігі болмады. Корпорация матчқа дейін толықтай техникалық дайындық шараларын жүргізді. Серверлердің қуаттылығы әдеттегіден үш есе көбейтіліп, бейне ағынын жеткізу қызметі оңтайландырылды. Алайда, матч басталған сәттен туындаған мәселені жедел шешуге тырысқанымызбен, интернет желісіндегі сыртқы қиындықтарға байланысты ақауларды толықтай ретке келтіру мүмкін болмады.
Қазіргі таңда мәселеге қатысты кешенді техникалық талдау жүргізілуде.
Туындаған қолайсыздықтар үшін көрерменнен кешірім сұраймыз», - делінген хабарламада.
Айта кетейік, «Қайрат» - «Реал Мадрид» матчы 0:5 есебімен аяқталды.
Енді алматылық команда келесі ойынын 21 қазан күні Кипр чемпионы «Пафосқа» қарсы өткізеді.
