МЛС чемпионаты аясында өткен кезекті тур матчында «Интер Майами» «Атланта Юнайтедті» қабылдап, сенімді жеңіске жетті.
Матчтың басты кейіпкері аргентиналық жұлдыз Лионель Месси болды. Ол екі гол соғып қана қоймай, тағы бір нәтижелі пас берді.
Қалған голдарды Жорди Альба мен Луис Суарес еншісіне жазды. Осылайша «Барселонаның» бұрынғы триосы — Месси, Суарес және Альба МЛС аренасында тағы да жарқырады.
«Атланта Юнайтед» сапындағы ресейлік жартылай қорғаушы Алексей Миранчук бұл ойында алаңға шыққан жоқ. Ол Ресей құрамасының оқу-жаттығу жиынына шақырылуына байланысты команда құрамынан тыс қалды.
«Интер Майами» келесі кездесуін 19 қазанда «Нэшвиллға» қарсы өткізеді.
Ал «Атланта Юнайтед» сол күні «Ди-Си Юнайтедпен» ойнайды.
