«Батя, бәрі жақсы ма?» — «Зенит» Нұралы Әліппен көңілді видео түсірді

Әзіл аралас сәт

Видео Ресей Кубогындағы «Оренбургке» қарсы (6:0) өткен матчтан кейін түсірілген. Эпизодта Әліп ойыннан ауыстырылған соң орындыққа жатып, команданың ойынын бақылап отырған сәті көрсетілген. Кейін бейнеролик монтаж арқылы қарлы пейзажға айналып, кадр сыртындағы дауыс:

«Батя, бәрі жақсы ма?» — деп әзілдей сұрайды.

Жанкүйерлер бұл видеоны жылы қабылдап, футболшының сабырлы мінезі мен харизмасын ерекше атап өтті.

«Зенит» плей-оффқа шықты

Кездесу Санкт-Петербургтегі «Газпром Аренада» өтті. Ойын 6:0 есебімен алаң иелерінің пайдасына аяқталды. Осы жеңістің арқасында «Зенит» 18 ұпай жинап, өз тобында бірінші орынды иеленіп, плей-офф кезеңіне ерте жолдама алды.

Нұралы Әліп бұл матчта негізгі құрамда алаңға шығып, 66-минутта ауыстырылды.

Instagram-дағы бейнежазба аз уақыт ішінде мыңдаған қаралым жинап, пікірлерге толды. Көптеген қолданушы Нұралының ойын кезіндегі сабырлылығын және «Зениттің» команда рухын жоғары бағалады.