Лионель Мессидің керемет ойыны «Интер Майами» клубына MLS плей-оффының алғашқы матчында жеңіс сыйлады.
«Интер Майами» өз алаңында «Нэшвилл» командасын қабылдап, 3:1 есебімен басым түсті. Бұл ойын екі жеңіске дейінгі серияның бірінші кездесуі болды.
Аргентиналық жұлдыз Лионель Месси дубль авторы атанды.
Месси бұған дейін MLS маусымының үздік сұрмергені атанып, «Алтын бутса» жүлдесін жеңіп алған еді. Осы аптада «Интер Майамимен» жаңа келісімшартқа қол қойып, клубпен байланысын ұзартты.
Үшінші голды «Интер Майами» сапындағы тағы бір аргентиналық Тадео Альенде 62-минутта соқты.
Қонақтар құрамынан неміс жартылай қорғаушысы Хани Мухтар бір ғана жауап добын (90+11) соғып үлгерді.
Командалар арасындағы екінші кездесу 2 қарашаға қараған түні (Қазақстан уақытымен) «Нэшвиллдің» алаңында өтеді.
Егер «Интер Майами» қайтадан жеңіске жетсе, клуб Шығыс конференциясының жартылай финалына жолдама алып, онда «Цинциннати» немесе «Коламбус Крю» командаларының біріне қарсы ойнайды.
