Әзірге бұл тізімге 38 футболшы кірді.
Қазақстан құрамасы бас бапкерінің міндетін атқарушы Талғат Байсуфинов ӘЧ-2026 іріктеу кезеңі аясындағы Бельгиямен (15 қараша) өтетін матч және 18 қарашада Фарер аралдарына қарсы жолдастық кездесуге шақырылған футболшылардың кеңейтілген тізімін жариялады.
Қақпашылар: Темірлан Анарбеков («Қайрат»), Мұхаммеджан Сейсен («Астана»), Бекхан Шайзада («Ордабасы»), Қажымұқан Төлепберген («Оқжетпес»);
Қорғаушылар: Арсен Әшірбек («Оқжетпес»), Әділбек Жұмаханов («Елімай»), Еркін Тапалов («Қайрат»), Сергей Малый, Сағадат Тұрсынбай, Сұлтанбек Астанов (бәрі — «Ордабасы»), Наурызбек Жагоров («Тобыл»), Ян Вороговский («Астана»), Әлібек Қасым, Талғат Құсяпов, Бағдат Қайыров (бәрі — «Ақтөбе»), Нұралы Әліп («Зенит», Ресей);
Жартылай қорғаушылар: Рамазан Оразов, Жан Әли Пайруз, Алмас Төлеубай, Ғалымжан Кенжебек (бәрі — «Елімай»), Муроджон Халматов («Ордабасы»), Ерсұлтан Қалдықбеков («Қайсар»), Дамир Қасабулат («Қайрат»), Георгий Жуков («Ақтөбе»), Исламбек Қуат, Дінмұхамед Қараман (екеуі де — «Жеңіс»), Серікжан Мұжықов, Дәурен Жұмат (екеуі де — «Оқжетпес»), Ислам Чесноков («Тобыл»), Бақтиер Зайнутдинов («Динамо», Ресей);
Шабуылшылар: Максим Самородов («Ахмат», Ресей), Дастан Сәтпаев («Қайрат»), Эльхан Астанов («Ордабасы»), Иван Свиридов («Елімай»), Артур Шушеначев, Оралхан Өміртаев (екеуі де — «Ақтөбе»), Рамазан Кәрімов («Астана»), Айбар Жақсылықов («Қайсар»).
Айта кетейік, Қазақстан құрамасы 2026 жылғы әлем чемпионатының іріктеу кезеңі аясында өз алаңында Бельгиямен (15 қарашада) ойнайды, ал 18 қарашада Фарер аралдарында жолдастық матч өткізеді.
