Криштиану Роналду мансабындағы 950-ші голын соғып, "Әл-Насрға" Сауд Арабия чемпионатындағы кезекті жеңісті сыйлады.
"Әл-Назм" командасын 2:0 есебімен тізе бүктірген "Әл-Наср" маусымдағы мінсіз сериясын жалғастырды.
Матчтың алғашқы бөлігінде алаң иелері қорғанысқа көп көңіл бөліп, "Әл-Насрдың” шабуылдарына төтеп беруге тырысты. Алайда 25-минутта есеп ашылды.
Айман Яхья қорғаныстан тамаша пас алып, сол қапталмен өтіп, айып алаңына пас жеткізді. Сол сәтте Жоау Феликс бос қалған еді — оның соққысын қақпашы тойтара алмады.
Бірінші таймның қалған бөлігінде "Әл-Наср" допқа толық иелік етті, ал "Әл-Назм” есепті теңестіруге талпынды. Бірақ "Әл-Насрдың” қорғанысы сенімді ойнады. Ал Роналду бірнеше сәтте серіктестеріне — Кингсли Коман мен Садио Манеге қауіпті пас шығарып беруге тырысқанымен, нәтиже болмады.
Дегенмен матчтың соңында бәрі өз орнын тапты. Мане ортаңғы шеңбер маңында қарсыласын қапыда қалдырып, допты оң қапталға — Команға жеткізді. Француз ойыншысы айып алаңына кіріп, төменнен пас шығарды, ал Роналду 40 жасында да суыққанды шеберлігін көрсетті — допты жақын қашықтықтан қақпаға бағыттап, матчқа нүкте қойды.
Бұл гол Роналдудың мансабындағы 950-ші ресми голы болды.
Жоау Феликс те ерекше формада, ол 2025/26 маусымдағы алтыншы ойынында тоғызыншы голын соғып үлгерді.
