Қазақстан Премьер-лигасының 26-туры ел футболындағы ең шешуші сәттердің бірімен есте қалды. Алматының «Қайраты» мен елордалық «Астана» арасындағы кездесу чемпион тағдырын шешті.
Ойын Орталық стадионда өтті. Ал төрешілік ету үшін арнайы Италиядан Маттео Маркетти бастаған бригада шақырылды. Бұл ойын тек үш ұпай үшін емес, чемпиондық тәж үшін өткен нағыз финалдық шайқас болды.
Алғашқы минуттарда «Қайрат» тізгінге ие болды. Дегенмен 15-минутта Марин Томасов өзінің фирмалық соққысымен есеп ашты. Бұл сәттен кейін ойын теңесіп, екі команда да қорғаныс пен шабуылды үйлестіре жүргізді.
Екінші таймда алматылықтар қарқын қосып, 56-минутта Дастан Сәтпаев тамаша комбинацияны нәтижелі аяқтады. Қалған уақытта екі ұжым да сақ ойнады. Нәтижесінде шешуші матч 1:1 есебімен аяқталды.
Бұл тең есептің арқасында «Қайрат» 59 ұпай жинап, 2025 жылғы Қазақстан Премьер-лигасының чемпионы атанды!
Ал «Астана» 57 ұпаймен күміс жүлдегері болды.
