Белгілі қазақстандық кәсіпкер Нұрлан Артықбаев елдің ең беделді футбол клубтарының бірін жеке меншігіне алуы мүмкін.
Aladop.kz порталының хабарлауынша, Qazaq Stroy ірі құрылыс компаниясының негізін қалаушы, бизнесмен Нұрлан Артықбаев «Ақтөбе» футбол клубының жаңа иесі болуға дайын.
49 жастағы кәсіпкер Қазақстандағы ең ықпалды бизнесмендердің бірі саналады. Ол «Қазақтелеком», «Qazaq Kalium» және бірнеше ірі компаниялардың тең иегері.
Forbes Kazakhstan журналының 2025 жылғы мамыр айындағы нұсқасы бойынша, Нұрлан Артықбаев елдегі ең бай 50 кәсіпкердің қатарына енген. Ол тізімде 44-орын иеленген, ал оның байлығы 228 миллион АҚШ долларына бағаланған.
Келісім жүзеге асса, «Ақтөбе» клубы жеке инвестициялардың есебінен даму мүмкіндігіне ие болады.
Бұл қадам инфрақұрылымды жаңартуға, құрамды күшейтуге және клубтың қаржылық тұрақтылығын арттыруға үлкен серпін бермек.
Маусым қорытындысы бойынша, «Ақтөбе» 43 ұпай жинап, турнир кестесінде бесінші орынды иеленді.
