Қазіргі таңда тараптар арасында келіссөздер жүріп жатыр.
Өзбекстан құрамасының тәжірибелі ойыншысы Икром Алибоев көп ұзамай Германия чемпионатына ауысуы мүмкін. Бұл туралы upl.uz хабарлады. Аталған БАҚ ақпарына сәйкес, қазір футболшы екінші лигада өнер көрсететін «Дармштадт» клубымен келіссөз жүргізіп жатыр.
Бұл команда маусым соңында жоғары лигаға оралуды мақсат етеді. Осыған байланысты клуб басшылығы тәжірибелі ойыншыларды шақырып, құрамды күшейтуді жоспарлап отыр.
Қазіргі уақытта 31 жастағы Алибоев Өзбекстанның әйгілі клубы «Нефтчиде» ойнайды. Оның келісімшарты 2025 жылдың желтоқсан айында аяқталады.
Футболшы мансабының басым бөлігін Оңтүстік Кореяда өткізген. Осы елдің «Сеул» және «Тэджон Ситизен» клубтарында бірнеше маусым ойнап, Азия футболында сенімді жартылай қорғаушы ретінде танылған.
Ал Өзбекстан ұлттық құрамасы сапында 28 матч өткізді. Орталық Азия кубогы мен Азия Кубогы іріктеу кезеңдерінде негізгі ойыншылардың бірі болды.
