Шымкенттің «Ордабасы» футбол клубы молдовалық маман Андрей Мартинмен жұмысын жалғастырады.
Молдовалық бапкер орнында қалады. Бұл турадлы «Серый Cardinal» Telegram-арнасы жазады.
Дереккөз мәліметінше:
«Алдын ала ақпарат бойынша, “Ордабасы” клубының бас бапкері Андрей Мартин келесі маусымда да Шымкентте жұмысын жалғастырады», — деп жазылған хабарламада.
51 жастағы Андрей Мартин «Ордабасының» тізгінін 2024 жылдың соңында ұстаған болатын. Бұған дейін ол өз еліндегі «Петрокуб» командасын жаттықтырған.
Оның жетекшілігімен шымкенттік клуб КПЛ-2025 маусымын жетінші орында аяқтады. Сонымен қатар, команда Қазақстан кубогының финалында жеңіліс тауып, Лига Конференциясының бірінші іріктеу кезеңінде жарыстан шығып қалды.
