Қазақстан құрамасы Еуро-2027 іріктеу матчтарына құрамын жариялады

Қазақстанның жастар құрамасы (U-21) Еуро-2027 іріктеу кезеңі аясында Словакия және Молдоваға қарсы ойын өткізеді. Осыған байланысты U-21 құрамасының аға жаттықтырушысының міндетін атқарушы Андрей Ферапонтов аталған матчтарға шақырылған футболшылар тізімін жариялады.

Кеңейтілген тізімге ел ішінде және шетелде өнер көрсетіп жүрген 28 футболшы енді. Команда оқу-жаттығу жиынын қарашаның 2-сінде Астанада бастайды.

Қақпашылар

• Мирас Рихард («Ертіс»)
• Дулат Талыспаев («Кеге», Дания)
• Санжар Ерниязов («Хан-Тенгри»)

Қорғаушылар

• Сұлтан Асқаров, Рамазан Кәрімов (екеуі де «Жетісу»)
• Александр Мрынский («Қайрат»)
• Темірлан Мұрзағалиев, Никита Губарев (екеуі де «Қайсар»)
• Әли Тұрғанов («Академия Онтүстік»)
• Тимур Курбанов, Әлихан Серікбай (екеуі де «Каспий»)
• Бахтияр Төлеуов («Ертіс»)
• Саламат Жұмабеков («Оқжетпес»)

Жартылай қорғаушылар

• Мирас Оматай («Жетісу»)
• Олжас Байбек («Қайрат»)
• Абинұр Нұрымбет, Тамерлан Ағиманов (екеуі де «Ертіс»)
• Нұралы Жақсылық («Астана»)
• Аян Байдаулетов («Ақтөбе»)
• Глеб Валгушев («Қызылжар»)
• Ян Труфанов («Атырау»)
• Мүсілім Жұмат («Тараз»)
• Шахмұрза Адырбеков («Тренчин», Словакия)

Шабуылшылар

• Мағжан Тоқтыбай («Академия Оңтүстік»)
• Рамазан Бағдат («Қайрат»)
• Артем Литош («Шахтер»)
• Рауль Аллахвердиев («Райо Вальекано В», Испания)

Үш турдан кейін Қазақстан жастар құрамасы 3 ұпаймен өз тобында төменгі қатарда тұр. Соңғы матчта команда күтпеген жерден Андоррадан 0:1 есебімен жеңіліп, жанкүйерлер тарапынан сынға ұшырады. Айта кетейік, екі ойын 13 және 17 қараша күндері өтеді.