Әзірбайжандық клубтың бас бапкері осындай шешім арқылы ойыншыларды тәрбиелемекші.
Агдамдық «Қарабах» клубының бас бапкері Гурбан Гурбанов команда ойыншыларына айыппұл салу туралы шешім қабылдады. Бұл қадам оның Чемпиондар лигасының топтық кезеңінің үшінші турында тіркелген нәтижеге көңілі толмағанынан кейін жасалды.
Испанияда өткен матчта «Карабах» Бильбаоның «Атлетигінен» 1:3 есебімен ұтылды. Бұл — азербайжандық клубтың биылғы турнирдегі алғашқы жеңілісі. Бұған дейін команда «Бенфиканы» (3:2) және «Копенгагенді» (2:0) тізе бүктіріп, екі турда қатарынан жеңіске жеткен еді.
Гурбановты нәтиженің өзі емес, ойыншылардың жігерсіз ойыны мен бапкерлік нұсқауларды орындамауы қынжылтқан. Сол себепті ол команда мүшелерін тәртіптік жауапкершілікке тартуды ұйғарып, айыппұлды қазан айындағы еңбекақы қорынан ұстап қалуды тапсырды.
Айыппұлдың сомасы аз емес. Бапкердің айтуынша, бұл шешім жазалау емес, ойыншылардың жауапкершілігін арттыруға бағытталған тәрбие шарасы болмақ.
Қазір «Қарабах» үш турдан кейін 6 ұпаймен Чемпиондар лигасының жалпы кестесінде 13-орында келеді.
