«Ливерпуль» жанкүйерлерін тағы да көңілсіз қалдырды. Команда Англия кубогының 1/8 финалында өз алаңында «Кристал Пэластан» 0:3 есебімен ойсырай ұтылып, турнирден шығып қалды.
Арне Слот жаттықтыратын «қызылдар» соңғы жеті матчтың алтауында жеңіліс тапқан. Бұл көрсеткіш клуб жанкүйерлері мен сарапшылар арасында елеулі сын тудырды. Дегенмен клуб басшылығы дүрбелеңге берілмей, бапкерге сенім артты.
Goal порталының BBC және бірқатар ағылшын журналистеріне сілтеме жасап хабарлауынша, «Ливерпуль» Арне Слотты жұмыстан босатуды жоспарламайды.
«Клуб басшылығы нидерландтық маманға толық сенім артып отыр және ол команданы дағдарыстан шығара алады деп есептейді. Жақын уақытта Слоттың отставкаға кетуіне ешқандай негіз жоқ», — деп жазады Goal.
«Ливерпульдің» келесі ойыны 1 қарашада «Энфилд» стадионында «Астон Виллаға» қарсы өтеді. Бұл матч Слот пен оның шәкірттері үшін өз беделін қайта қалпына келтіру мүмкіндігі болмақ.
