Чехиялық маман Иржи Ярошик қарағандылық командадағы қызметінен кететінін мәлімдеді.
48 жастағы маман өзінің отставкасын растады:
«Мен қазір Чехиядамын. "Шахтерде" енді жаңа бапкер жұмыс істейді. Қазақстан клубтарынан әзірге нақты ұсыныс түскен жоқ. Алдағы уақытта бәрін көре жатармыз», — деді Ярошик.
2025 жылғы маусым — қарағандылық клуб тарихындағы ең ауыр кезеңдердің бірі болды. Команда алғаш рет ел чемпионатының жоғары дивизионынан тыс ойнады.
"Шахтер" Бірінші лигада төртінші орын алып, Премьер-лигаға қайта оралу мүмкіндігін жіберіп алды.
Жанкүйерлер клубтан үлкен өзгерістер күтуде. Көпшілік Ярошиктің кетуі жаңа кезеңнің бастамасы болады деп үміттенеді.
Бұрынғы футболшы Иржи Ярошик — тәжірибелі спортшы әрі бапкер. Ол кезінде Мәскеудің ЦСКА және Лондонның "Челси" командаларында ойнаған.
"Шахтерде" ол тренер-кеңесші лауазымын атқарғанымен іс жүзінде бас бапкердің міндетін Андрей Финонченкомен бірге атқарды.
