Қақпасын Қалмырза қорғаған «Қайрат» миландықтардан ірі есеппен ұтылды

Миландықтардан 21-минутта Маттиас Москонни пенальтиден есеп ашты. Үзіліске дейін алаң иелері Дилан Саратенің арқасында екінші доп соқты. Ал 54-минутта Джамал Иддриссу нәтижені түйіндеді. 

«Қайрат» сапында қақпаны 18 жастағы Шерхан Қалмырза қорғады. Ол бұған дейін алматылықтардың негізгі құрамында Чемпиондар лигасында өнер көрсеткен.

Бұл «Қайрат» U-19 үшін төртінші қатарынан жеңіліс болды. Бұған дейінгі матчтарда команда төмендегідей нәтижелер көрсетті:

• «Пафос» (Кипр) — 1:3
• «Реал» (Испания) — 1:4
• «Спортинг» (Португалия) — 2:3

Осылайша «Қайрат» әзірге турнирдің жалпы кезеңінде ұпай жинай алмай отыр.

Алматылық жастар командасы келесі кездесулерін төмендегідей өткізеді:

26 қараша — «Копенгаген» (Дания)

9 желтоқсан — «Олимпиакос» (Грекия)