Жуырда танымал әзілкеш өзінің әлеуметтік желідегі парақшасында ұлының париждік клуб базасында жүрген суретін жариялады.
Қазақстандық танымал әзілкеш Тұрсынбек Қабатовтың ұлы — Нұриман Аманғали әлемдік деңгейдегі клуб «Пари Сен-Жерменге (ПСЖ) ауысуы мүмкін. Бұл туралы Sportinside.kz хабарлады. Басылым бейресми дереккөздерге сілтемей жасай отырып, танымал әртістің ұлы франциялық клубтың қатарына қосылмақ.
Десе де, әзірге бұл хабар туралы ресми ақпар шықпады. Қалай дегенмен, Нұриманның әкесі Тұрсынбек Қабатов Instagram желісіндегі ресми парақшасында ұлының "ПСЖ" футбол клубының базасында түскен суретін салып қойды.
Айта кетейік, Нұриман Аманғали бала кезінен футболмен айналысатыны белгілі. Әлеуметтік желідегі парақшасында қазақстандық футбол жұлдыздарымен түскен суреттерінен бөлек, түрлі жарыстарда алған марапаттарын да байқауға болады.
