Қазақстан құрамасының жартылай қорғаушысы Рамазан Оразов мансабын ресми түрде семейлік «Елімайда» жалғастырады. Клуб даниялық «Силькеборгтан» футболшының келісімшартын толық сатып алғанын мәлімдеді.
Команда Instagram парақшасында жариялаған ақпаратқа сай, 27 жастағы тәжірибелі хавбек жаңа маусымда «Елімайдың» толыққанды ойыншысы атанды.
Оразов өткен чемпионаттың екінші бөлігін жалдау (аренда) негізінде «Елімай» сапында өткізген. Сол кезеңде ол алаңда 820 минут ойнады. 2 гол соқғып, 2 нәтижелі пас берді.
Клубтың мәліметінше, тұрақты ойынымен көзге түскен футболшы жанкүйер сеніміне ие болып, нәтижесінде жазда «Елімай» оның келісімшартын толық сатып алуға шешім қабылдаған.
Рамазан Оразов семейлік клубқа биылғы жылдың шілде айында «Силькеборгтан» арендамен ауысқан.
Өткен маусым қорытындысы бойынша «Елімай» Қазақстан Премьер-лигасында 4-орын алып, өз тарихында алғаш рет Конференциялар лигасының іріктеу кезеңінде ойнау құқығына ие болды.
