Алматылық "Қайрат" Егор Сорокинмен келісімшартты ұзартпайтын болды.
Бұл туралы Mash на спорте хабарлады:
"«Қайрат» ФК-ның қорғаушысы Егор Сорокин Ресей Премьер-лигасына оралады. Алматы клубы ресейлік футболшымен келісімшартты ұзартпайды. РПЛ-дың екінші сегіздігінде ойнайтын бірнеше клуб Сорокинді өз құрамына қосуға қызығушылық танытып отыр", — деп хабарлайды телеграм-арна.
Айта кетейік, биылғы маусымда Сорокин «Қайрат» сапында барлық турнирлерде 39 матчқа қатысып, бір гол соғып, бір нәтижелі пас берді. Ол алматылықтар үшін Чемпиондар лигасының жалпы кезеңіндегі 6 матчтың барлығында және іріктеу кезеңіндегі 8 матчта алаңға шықты.
Transfermarkt порталы футболшының нарықтық құнын 1 миллион еуро деп бағалайды.
Оның орнына алматылық клуб КуПС қорғаушысы Самуэль Миеттиненды өз сапына қосуы мүмкін.
